“Барса” ашаддий рақиб “Реал” кутаётган юлдузни олиб кетади

“Барселона” келаси ёзда катта трансферга қўл урмоқчи. Каталонияликлар ҳимоя чизиғини кучайтириш учун “Бавария” билан хайрлашаётган Альфон Дэвисни ўз сафига қўшиб оладиган бўлди.

Канадалик футболчини анчадан бери “Реал” кутмоқда. Мадридликлар аввал ҳам бир неча бор Дэвисни олишга ҳаракат қилиб кўрган эди.

Mundo Deportivo нашрининг маълум қилишича, “Барселона” январь ойида Дэвиснинг трансфер бўйича розилиги олмоқчи. 24 ёшли чап қанот ҳимоячининг агенти харидорлар учун аниқ талаб қўйган.

Унга кўра, Альфонсо Дэвисни трансфер қилмоқчи бўлган ҳар қандай клуб унга ҳар мавсум учун 12 миллион евродан кўпроқ маош таклиф қилиши ва 30 миллион евро миқдорида шартнома бонусини тўлаши талаб этилади.