"Барса"дан "Реал" ҳужумчисини олишни сўрашган экан

«Реал»нинг ёш ҳужумчиси Карлос Эспи Мадрид клубига ўтишидан олдин «Барселона» сафига қўшилиши мумкин эди.

Carrusel Deportivo нашри маълумотича, ўтган ёзда «Барселона»га «Леванте» таркибида тўп сурган Эспини 25 миллион евро эвазига сотиб олиш таклифи тушган. Бироқ каталонияликлар бу вариантдан воз кечган. Клуб раҳбарияти бу миқдор захирада ўйнайдиган футболчи учун жуда катта сумма, деб ҳисоблаган.

Шунингдек, «Барселона» таркибида аллақачон ёш ҳужумчи Хамза Абделькарим борлиги ҳам қарорга таъсир қилган.

Натижада ёзги трансфер ойнасида Эспи «Реал»га ўтди. Мадрид клуби ҳам футболчи учун 25 миллион евро тўлади.

Жорий мавсумда 21 ёшли Карлос Эспи барча мусобақалар ҳисобида бешта ўйинда майдонга тушиб, икки бор гол урди.