“Барса”: Футболчимизни Мадридга бермаймиз!

Ханс-Дитер Флик қўл остида кетма-кет иккинчи мавсумда Испания чемпионлигини қўлга киритган “Барселона” раҳбарияти ярим ҳимоячи Марк Касадони жамоада сақлаб қолишга қарор қилди.

Футболчига “Атлетико Мадрид” клуби оғиз солмоқда ва ўйинчи учун харажат қилишга тайёр.

Бу ҳақда Diario SPORT хабар берди.

Манбага кўра, “матрасчилар” бош мураббийи Диего Симеоне Марк Касадонинг катта мухлиси ҳисобланади.

“Атлетико” бир неча ойдан бери футболчи ҳақида маълумот тўпламоқда ва уни ёзда ўз сафига қўшиб олишга умид қилмоқда.

Клуб раҳбарияти Касадо Симеоне лойиҳасининг асосий футболчиларидан бирига айланиши мумкин, деб ҳисобламоқда.

Бироқ “Барселона” ўз тарбияланувчисини сотишдан манфаатдор эмас.

Ушбу мавсумда 22 ёшли ярим ҳимоячи барча мусобақаларда 34 та учрашувда қатнашиб, 1 та голли узатма берди.