"Барса" футболчиси Бундеслигага кўчиб ўтди

"Барселона" ҳимоячиси Жан-Клер Тодибони фаолиятини "Шальке" клубида давом эттирадиган бўлди.

Немис клуби футболчини ижара асосида қўлга киритди. Бундеслига клубида ҳимоячини 25 млн еврога сотиб олиш ҳуқуқи бор ва қўшимчасига 5 млн евро бонус сифатида ҳам тўлаши мумкин бўлади.

Агарда, "Шальке" Тодибони сотиб олса, "Барселона" футболчини 50 млн евро ва бонус сифатида яна 10 млн евро эвазига қайта сотиб олиш имконига эга бўлади.

Эслатиб ўтамиз, Тодибо "Барселона"га 2019 йилнинг январь ойида келиб қўшилган эди ва йил давомида бор-йўғи 5 та беллашувда майдонга туширилди ҳолос!