“Барса” ҳам Қатардан ўйинчи топди

“Барселона” скаутлари Қатарда давом этаётган жаҳон чемпионатида клубга мос ўйинчиларни кузатиб бормоқда.

Маълумотларга қараганда, каталонияликларга “Арсенал”нинг Бразилия терма жамоаси шарафини ҳимоя қилаётган ўйинчиси – Габриэль Мартинеллининг ҳаракатлари маъқул келган.

21 ёшли футболчи “канонирлар” етакчиларидан ҳисобланади. Истеъдодли ҳужумкор футболчи Англия премьер-лигасида 14 та учрашувда бешта гол ва иккита ассист қайд этди.

“Арсенал” Мартинеллини 2019 йили Бразилиянинг “Итуано” клубидан 7,10 миллион еврога трансфер қилган эди.

Бугунги кунда унинг нархи қарийб ўн баравар кўтарилган. Каталонияликлар Мартинеллини олиш учун 60 миллион евродан кўпроқ пул сарфлашига тўғри келади.