"Барса" ҳужумчиси Чемпионшип клубига ўтади

"Барселона" ҳужумчиси Рей Манай "Уотфорд" билан музокара ўтказиш учун Англияга учиб кетди. 

25 ёшли албаниялик ўйинчининг агентлари унинг Чемпионшип клубига ўтишига ишончи комил. Манайга шунингдек, А Серия ва Ла Лига клубларидан ҳам таклифлар мавжуд.

Ўтган мавсумда ҳужумчи "Специя"да ижара асосида ўйнади, аммо итальян клуби уни 2.5 миллион еврога сотиб олмаган. 

2021/2022 йилги мавсумда у 22 та ўйинда майдонга тушиб, 14 та гол урди.