“Барса” ҳужумида зўр тўпурар пайдо бўлади

“Барселона” мутасаддилари ҳужум чизиғига “Манчестер Юнайтед”дан кетган Эдинсон Каванини олиб келишни режалаштирмоқда.

Fichajes нашрининг ёзишича, эркин агентга айланган уругвайлик тўпурар фаолиятини Ла Лигада давом эттиришни истаяпти ва ўзига бўладиган таклифларни кўриб чиқишга тайёр.

Кавани Уругвайнинг “Данубио” клуби тарбияланувчиси ҳисобланади. Моҳир ҳужумчи Европага 2010 йилда келиб, “Палермо” билан шартнома имзолаган. Кейинчалик “Наполи”, ПСЖ ва “Манчестер Юнайтед”да тўп тепди.

Эдинсон Уругвай терма жамоаси сафида 133 маротаба майдонга тушиб, рақиблар дарвозасини 58 марта ишғол қилган.