“Барса” икки футболчи билан хайрлашадиган бўлди

“Барселона” бош мураббийи Хави Эрнандес жамоани қабул қилиб олганидан бери таркибни тозалаш ишларини тўхтатгани йўқ.

Каталонияликлар мавсум охирида яна икки ўйинчи билан хайрлашади. Мураббийлар штаби келаси мавсумда Маркос Алонсо ва Серхи Роберто хизматидан фойдаланмайди.

Маълумотларга қараганда, агар бу икки ўйинчига январь ойида харидор чиқса, Хави Эрнандес уларнинг кетишига тўсқинлик қилмайди.

Агар қишки трансферлар мавсумида бу икки тажрибали футболчига талабгорлар топилмаса, унда хайрлашув ёзда бўлади.

Алонсо ва Робертонинг амалдаги шартномаси мавсум охирида якунланади ва улар бошқа жамоага эркин агент сифатида бепул ўтиши мумкин.