“Барса” келишув туфайли “Реал” футболчисидан юз ўгирди

“Реал” ҳужумкор футболчиси Марко Асенсио ёзда жамоани тарк этиши кутилмоқда. Испан ярим ҳимоячиси ўтиши мумкин бўлган жамоалардан бири сиатида “Баселона” тилга олинаётган эди. Бироқ бу трансфер амалга ошмайди.

Каталония клуби ҳужум чизиғидаги рақобат кучли экани, “Барселона” ва “Реал” ўртасидаги “жентльменлик пакти” – яъни, бир бирининг  футболчисини олмаслик ҳақидаги келишувга асосан Асенсиони олиш имкониятидан воз кечди.

Бу ҳақда El Nacional нашри хабар берди.

Мадридликлар шартномаси тугаётган 26 ёшли футболчига ҳар мавсум учун 5 миллион евро маош кўрсатилган тўрт йиллик битим таклиф қилганди. Асенсио бу маблағга кўнмади.

Марконинг ўзи “Барселона”га ўтишни истаётганди. Бу режасини амалга ошириш учун агентини алмаштириб, Жорже Мендешни хизматга ёллади. Кўриниб турибдики, бу усул иш бермади.

Фикрлар

Фикр қолдириш учун авторизациядан ўтинг!