"Барса" Мессисиз қанча ўйинда ғалаба қозонган?

"Барселона" Ла Лиганинг 16-турида "Эйбар"га (1:1) қарши баҳсда дуранг ўйнади.

Каталонияликлар форварди Лионель Месси жароҳати сабабли учрашувни ўтказиб юборди.

Аргентиналик футболчининг Испания чемпионатидаги дебютидан буён (2004 йилнинг октябрида илк марта Ла Лигада майдонга тушган), "кўк-анорранглилар" усиз 55,9 фоиз ўйинларда ғалабага эришган (66 та ғалаба, 39 та дуранг ва 22 та мағлубият).

Месси қатнашган беллашувлардаги фоиз кўрсаткичи 73,7 ни ташкил этади (368 та ғалаба, 83 та дуранг, 48 та мағлубият).