"Барса" мухлислари "Реал" билан ўйин олдидан Винисиусни ҳақорат қилишди

Испания кубоги финалида Карло Анчелотти бошчилигидаги "Реал Мадрид" Ханс-Дитер Фликнинг "Барселона"си билан куч синашади. Ушбу беллашувдан олдин каталонияликлар мухлислари кўчаларда "қироллик клуби" вингери ҳисобланган Винисиус Жуниорни ҳақорат қилишмоқда.

"Барселона" мухлислари кўчаларда: "Винисиус, ўл", "Пляж тўпи" деб бақиришди ва "Реал" вингерига нисбатан ҳақоратли шиорлар айтди.

"Пляж тўпи" деган чақириқ ўтган йили Винисиус "Олтин тўп" учун овоз беришда иккинчи ўринни олгани ва у Гавига айтган сўзларига ишора қилади.

Класико пайтида, танловдан бир неча кун олдин, бразилиялик футболчи яқин орада шарафли мукофотни қўлга киритишини айтган эди, аммо овоз беришда уни "Манчестер Сити" футболчиси Родри ортда қолдирганди.