“Барса” нега Левандовскидан қутилмоқчи экани аён бўлди

“Барселона” жорий мавсумда ички чемпионатда чемпионликни “Реал”га бой берди, Европа Чемпионлар лигасидаги курашни ҳам анча эрта тугатди.

Энди клуб раҳбарияти таркибда жиддий ўзгаришлар қилишни режалаштирмоқда.

Todofichajes нашрининг ёзишича, каталонияликлар ёзда Роберт Левандовскини сотиб юбормоқчи.

Польшалик тўпурарнинг ўзи келаси мавсумни ҳам “Барселона”да ўтказмоқчи. Лекин унинг катта маоши клубга оғирлик қилаётгани айтилмоқда.

Левандовски бир мавсум учун 30 миллион еврога яқин маош олади.

“Барселона” мутасаддилари машҳур футболчини Саудия Арабистони клубларига трансфер қилиб, ғазнага пул туширишдан ташқари, Левандовскига маош учун ажратиладиган маблағни ҳам тежаб қолмоқчи.

35 ёшли форвард анчадан бери Саудия Арабистонининг бир неча жамоаларини қизиқтириб келади.