“Барса” Ўзбекистонга қарши ўйнаган футболчининг маошини оширади

“Барселона” раҳбарияти Париждаги Олимпия ўйинларида Испания терма жамоасининг ғалабасига катта ҳисса қўшган ярим ҳимоячи Фермин Лопеснинг шартномаси шартларини яхшилайдишан бўлди.

Sport.es сайтининг ёзишича, Олимпиадада олтита гол ва иккита ассист қайд этган истеъдодли футболчига бундан буён Европанинг бошқа клублари оғиз сола бошлайди. Буни инобатга олган Каталония суперклуби мутасаддилари ўйинчи билан янги битим тузиб қўймоқчи.

Бундан ташқари, “Барселона” бош мураббийи Ханс-Дитер Флик ҳам Фермин Лопеснинг ўйинини жуда юқори баҳолаган ва янги мавсумда унга Ла Лигада ҳам ўзини кўрсатишга имкон бермоқчи.

Эслатиб ўтамиз, Фермин Лопес Олимпия ўйинларининг гуруҳ босқичидаги дастлабки турда Ўзбекистон терма жамоасига қарши 76 дақиқа давомида ўйнаган эди.