“Барса” Пикенинг ўрнига ундан зўрини топди

“Барселона” раҳбарияти футболчилик фаолиятини тўхтатган Жерар Пике ўрнини босадиган ўйинчи топди.

Испан матбуотининг ёзишича, каталонияликлар “Лейпциг” жамоаси ҳимоячиси Йошко Гвардиолни Испания чемпионатига кўчириб келмоқчи. 20 ёшли хорватиялик футболчининг “Барселона”га узоқ муддат давомида хизмат қилиш имконияти борлиги таъкидланяпти.

Гвардиол ўн бир йил давомида Загребнинг “Динамо” жамоасида тарбияланди. 2021 йили “Лейпциг” ҳимоячини 18,8 миллион еврога трансфрер қилди.

Айни пайтда Гвардиолнинг трансфер нархи 60 миллион еврони ташкил қилмоқда.  Истеъдодли футболчи жорий мавсумда барча турнирларда 19 та ўйин ўтказиб, битта гол уришга эришди.