“Барса” “Реал”ни чемпион қилди ва рекордчига айлантирди

Испания чемпионатининг 34-турида “Реал” чемпионликни расмийлаштирди. Мадридликларнинг навбатдаги совринига “Барселона” ёрдам бериб юборди.

Карло Анчелотти шогирдлари “Кадис”ни 3:0 ҳисобида енгганидан кейин муддатидан олдин чемпионлик “Барселона”нинг ўйини боғлиқ бўлиб қолганди. Хави шогирдлари эса, “Жирона”дан 2:4 ҳисобида мағлуб бўлиб, мадридликларнинг чемпионлигини тезлантириб юборди.

Шу тариқа, “Реал” ўз тарихида 36-чемпионликни нишонлади ва бу янги рекорд натижа ҳисобланади.

Кейинги ўриндаги “Барселона” Испания чемпионатлари тарихида 27 маротаба бош совринни қўлга киритган.

Мадриднинг иккинчи клуби – “Атлетико” шу пайтга қадар 11 маротаба Ла Лигада зафар қучган.