“Барса” собиқ футболчисини ортга қайтармоқчи

Каталониянинг “Барселона” клуби ёзда Англия Премьер лигасида ўйнайдиган собиқ шогирдларини ортга қайтариши мумкин. “Mundo Deportivo” нашри хабарига кўра, “кўк-анорранглилар” "Арсенал" футболчиси Эктор Бельеринни сотиб олиш ҳақида ўйламоқда.

Испаниялик футболчи “Челси” билан шартномасини узайтирган Сезар Аспиликуэте учун альтернатив сифатида кўрилмоқда.

Бунинг учун Бельерин "Арсенал" билан келишувни бузиши ва эркин агентга айланиши керак, шундан сўнг "Барселона" футболчини қўлга киритишга ҳаракат қилади.

Бельериннинг ўзи ўтган мавсумда ижара асосида ўйнаган "Бетис"га ўтмоқчи. “Яшил-оқлар” футболчининг “Арсенал” билан шартномасини бекор қилишини ҳам кутишмоқда.