"Барса" супертўпурар учун таклиф тайёрлади

«Интер» (Милан) клуби ҳужумчиси Лаутаро Мартинес «Барселона» учун навбатдаги трансфер мақсадига айлангани хабар қилинмоқда.

Манбаларга кўра, каталонияликлар аргентиналик форвардни олиш бўйича фаол ҳаракатни бошлаб юборган. «Барселона» ва «Интер» ўртасида дастлабки музокаралар ўтказилган, шунингдек, клуб раҳбарияти футболчи вакиллари билан ҳам бир неча бор учрашган. 

Журналист Хосе Альварес маълумотича, каталон клуби Лаутаро учун 100 миллион евро миқдоридан ортиқ таклиф бермасликни режалаштирмоқда. Томонлар яқин вақт ичида келишувга эришиши кутилмоқда.

Аввалроқ Ла Лига гранди мадридлик «Атлетико» ҳужумчиси Хулиан Альваресни ҳам ўз сафига қўшиб олишга уринганди, бироқ «матрасники» бу борада музокара олиб боришдан бош тортган эди.