"Барса" Торрес бўйича якуний қарорни қабул қилди

Каталониянинг машҳур «Барселона» клуби Ферран Торрес борасида ўзининг қатъий қарорини қабул қилди. Жамоа ҳужумчини сотиш ёки ижарага бериш вариантларини кўриб чиқмаяпти. 

Бу ҳақда журналист Альфредо Мартинес ижтимоий тармоқларда хабар берди.

Маълумотларга кўра, ҳозиргача «Барселона»га Ферран Торрес бўйича бирорта расмий таклиф келиб тушмаган. Қолаверса, бошқа клублар томонидан жиддий қизиқиш ҳам қайд этилмаган. Шу боис, ҳатто каталонияликлар уни сотишни истаган тақдирда ҳам, амалда буни амалга ошириш қийин бўларди.

«Барселона» раҳбариятининг режасига кўра, сентябрь ойида, молиявий фэйр-плей қоидаларига риоя этиш масаласи янада аниқлашгач, Ферран Торресга янги шартнома таклиф этиш кўзда тутилган.