"Барса" хоҳлаётган трансферга ПСЖ рози бўлди!

ПСЖ клуби раҳбарияти "Барселона" форварди Антуан Гризманни қўлга киритиш учун жамоанинг бразилиялик ҳужумчиси Неймардан воз кечишга тайёр. Бу ҳақда Sport.es нашри хабар тарқатмоқда.

Юқоридаги манбага кўра, “кўк-анор ранглилар” Неймар эвазига ПСЖга нафақат Гризманн, балки, унга қўшимча яна 50 млн евро тўлашга тайёр. Ушбу трансфер мавсумлар оралиғида амалга оширилиши кутилмоқда.

29 ёшли Гризманн жорий мавсум “Барселона” сафида жами 37 та ўйинда майдонга тушди ва 14 та гол ҳамда 4 та голли узатмага муаллифлик қилди.

28 ёшли Неймар эса ПСЖда 22 та ўйинда майдонга тушди ва ўз ҳисобига 18 та гол ҳамда 10 та голли узатма ёздириб қўйишга эришди.