“Барса” Холандга даҳшатли маош таклиф қилди

“Барселона” раҳбарияти “Боруссия” ҳужумчиси Эрлинг Холанд трансфери бўйича сўнгги таклифини берди.

Diario Sport нашрининг хабарига кўра, каталонияликлар норвегиялик тўпурарга беш мавсум давом этадиган шартнома ва бу муддатда жами 190 миллион евро маош беришни ваъда қилмоқда. Шунингдек, клуб дортмундликларга 75 миллион евро миқдорида трансфер бадалини ҳам тўлайди.

Айни пайтда Холандга талабгор сони унчалик кўп эмас. Чунки қимматбаҳо футболчининг трансфери аксарият клубларга оғирлик қилади. Асосий даъвогарлар сифатида “Манчестер Сити” ва “Реал” тилга олинмоқда.

Каталонияликлар катта маошдан ташқари Холанднинг “Барса”ни танлашига клубнинг мавқеи ва Хави феномени ижобий таъсир қилишига ишонмоқда.