"Барса" яна "Атлетико"ни безовта қиладиган бўлди

«Барселона» қишки трансфер ойнаси учун режа тузмоқда. Манбаларга кўра, «Барселона» қишки трансфер ойнасидаги асосий мақсад сифатида «Атлетико» ҳужумчиси Хулиан Альваресни белгилаб қўйган. 

Каталония клуби аргентиналик форвардни ўтган ёздаёқ олиб келишга уринган эди.

Якунига етган трансфер ойнасида «Атлетико» Хулиан Альварес масаласида қатъий позицияни эгаллаб, ҳужумчини сотишдан бош тортди. 

Шунинг учун «Барселона» қишда музокараларни қайта тиклашни режалаштирмоқда.

Альвареснинг «Атлетико» билан амалдаги шартномаси 2030 йил ёзигача мўлжалланган. Аввалроқ аргентиналик футболчи ўзи ҳам «Барселона» сафида тўп суриш истагини ошкор қилган эди.