“Барса” яна Месси бошчилигидаги юлдузлар термасига айланади

“Барселона” президенти Жоан Лапорта ўз жамоасига яна номдор юлдузларни олиб келишга қарор қилди.

Айни пайтда клуб хўжайини Лионель Месси ва Бернарду Силванинг трансфери бўйича иш бошлашга тайёрланяпти. Бу ҳақда Sport нашри хабар берди.

Лионель Мессининг ПСЖ билан келишуви мавсум охирида якунланади. Каталонияликлар уни ёзда эркин агент сифатида қўлга киритишни режалаштирмоқда. Лекин аргентиналик юлдуз қўлида ПСЖ, “ЧЕлси”, “Интер Майами” вариантлари ҳам турибди.

“Барселона” Бернарду Силвани ёзда олмоқчи бўлганди. “Манчестер Сити” португалиялик юлдуз учун 100 миллион евро бадал пули талаб қилганидан кейин бу трансфер амалга ошмай қолди.