“Barsa” yangi mavsum uchun to‘rt futbolchini tanladi

Ispaniya chempioni unvonini munosib himoya qilayotgan “Barselona” yozgi transferlar oynasi davrida tarkibni kuchaytirish uchun jamoaga taklif etiladigan futbolchilar ro‘yxatini tuzib chiqdi.

Kataloniyaliklar kelasi mavsum uchun kamida to‘rt nafar o‘yinchi oladi. Murabbiylar shtabi tarkibga yangi markaziy himoyachi, forvard qanot hujumchisi taklif qilinishi kerak, deb hisoblamoqda. Ayni paytda skautlar bu pozitsiyalar uchun mos o‘yinchilarni qidiryapti.

Xususan, markaziy himoyaga “Barselona” Italiya chempionatidan Alessandro Bastonini olishni rejalashtiryapti. Biroq “Inter” bilan transfer narxini kelishish qiyinchilik tug‘dirmoqda.

Forvard masalasida asosiy nishon “Atletiko Madrid” yulduzi Xulian Alvares hisoblanadi.

Jurnalist Ferran Martinesning ma’lum qilishicha, yuqorida keltirilgan uchta pozitsiyaga taklif etiladigan yangi ijrochilardan tashqari kataloniyaliklar “Al-Hilol”dan qishda ijaraga olingan qanot himoyachisi Joau Kanseluning shartnomasini sotib olishni ko‘zlayapti.