“Барса” январда кетадиган уч юлдуз номини айтди

“Барселона” раҳбарияти қишки трансферлар вақтида ҳимоячилар Жерар Пике ва Жорди Альба ҳамда плеймейкер Френки де Йонг билан хайрлашадиган бўлди.

Sport.es сайтининг хабар беришича, бу ўйинчилар январда трансферга қўйилади.

Манбанинг таъкидлашича, бунга “Барселона” Чемпионлар лигасининг гуруҳидан плей-оффга чиқолмаслиги маълум бўлгани сабаб. Клуб раҳбарияти маошлар бюджетини кескин камайтириш мақсадида уч нафар юлдуз билан хайрлашади.

Жамоада узоқ вақтдан бери ўйнаётган Пике ва Альба кейинги пайтда асосий таркибга киролмай қолган ва раҳбарият улардан тезроқ қутилмоқчи. Френки де Йонгни трансфери клубга катта фойда келтиради.