“Барса” ёшлари, мен қилган хатони такрорламанг!

“Удинезе” шарафинеи ҳимоя қилаётган Жерар Делофеу “Барселона”нинг Гави ва Педри каби ёш футболчиларига ўзининг Каталонияда йўл қўйган хатоларини такрорламасликни маслаҳат берди.

Испаниялик ҳужумкор футболчи ёшларни бош мураббий Хави ва тажрибали ўйинчилардан кўпроқ нарса ўрганиб, буюк ўйинчиларга айланишга ҳаракат қилишга чақирди.

- Мен уларга худди шундай иштиёқ билан ўйнашда давом этишни маслаҳат берган бўлардим. “Барселона”да ўйнаган давримда менга айнан иштиёқ ва диққатни жамлай олиш каби хусусиятлар етишмади. Менталитетим кучсизлик қилди, муҳит тўғри келмади. Ўзим дуч келган вазиятни енгиб ўтишга ёшлик қилдим, - деди Жерар Делофеу.

Шунингдек, 28 ёшли футболчи ёш ўйинчиларни Хави, Пике, Бускетс, Альбадан кўпроқ ўрганишга чақирди.

Делофеу “Барселона” тарбияланувчиси ҳисобланади. Каталонияликлар сафида ўнта ўйинда атиги битта гол урган.  Асосий таркибга кира олмаган ўйинчи кейинчалик “Эвертон”, “Севилья”, “Милан”, “Уотфорд” каби жамоаларда тўп  тепди.

Фикрлар

Фикр қолдириш учун авторизациядан ўтинг!