“Барса” юлдузидан воз кеча олмади

Ёши ўтиб қолгани учун Каталония клубини тарк этиши кутилган Жерар Пике яна уч йил давомида “Барселона” шарафини ҳимоя қиладиган бўлди.

Тажрибали марказий ҳимоячи клуб президенти Жоан Лапорта билан учрашганидан кейин унинг ўз жамоасида қолиши ҳал бўлди.

Маълумотларга қараганда, 34 ёшли футболчи клуб билан 2024 йилнинг ёзигача давом этадиган шартнома имзолаган. Унга кўра, Пикенинг маоши майдонда ўтказилган учрашувлар сонига қараб белгиланади.

Рональд Куман ва унинг бошчилигидаги мураббийлар штаби Жерар Пикени жамоа етакчиси сифатида эътироф этмоқда. Пикенинг жамоа футболчиларига таъсири катта эканини ҳам айтиб ўтиш жоиз.