“Барса”га кел, Мессининг рақамини берамиз!

“Барселона” раҳбарияти “Манчестер Юнайтед”дан қувилган Мэйсон Гринвуднинг ўйин даражасидан ҳайратга тушди.

Манчестерни тарк этган истеъдодли футболчи ижара асосида “Хетафе” шарафини ҳимоя қилмоқда. “Хетафе” мутасаддилари ҳам ҳужумкор футболчини тўлиқ трансфер қилишга ҳаракат қиляпти.

The Sun нашрининг таъкидлашича, “Барселона” Гринвудни олиш учун манчестерликларга 40 миллион фунт тўлашга тайёрлигини билдирган.

Каталонияликлар 22 ёшли футболчининг ўзига жамоа ўтиши билан клуб афсонасига айланган Лионель Мессининг 10-рақамини беришни ваъда қилмоқда.

Мессидан кейин бу рақам порлаб чиққан Ансу Фатига берилганди. Кейинчалик бир неча марта оғир жароҳат олган Ансу талаб даражасида ўйналмай қолди. Ўтган ёз каталонияликлар уни “Брайтон”га ижарага бериб юборди.