“Barsa”ning qiziqishi “Liverpul” hujumchisi maoshini ko‘tarib yubordi

“Barselona” yozgi transferlar vaqtida “Liverpul” hujumchisi Luis Diasga jiddiy qiziqish bildirgan edi.

Kataloniyaliklar kolumbiyalik o‘yinchini olishga harakat qilgani “Liverpul”ni xavotirga solib qo‘ydi. Angliyaliklar hujumchini qo‘ldan chiqarmaslik uchun unga yangi shartnoma taklif qilib, maoshini oshiradigan bo‘ldi.

This Is Anfield nashrining yozishicha, hozir Luis Diasning maoshi ancha kam. Klub unga har hafta uchun 55 ming funt to‘layapti. Tez orada bu summa bir necha baravar ko‘tarilishi kutilyapti.

Luis Dias “Liverpul” tarkibida jami 101 ta rasmiy uchrashuvda ishtirok etib, 27 ta gol va 14 ta assist qayd etgan.