“Барса”нинг Холанд трансфери бўйича позицияси маълум бўлди

“Барселона” президенти маслаҳатчиси Энрик Масип “Манчестер Сити” тўпурари Эрлинг Холанд трансфери бўйича фикр билдирди.

- Клубнинг янги иқтисодиётиа ва “Барселона”нинг янги стадиони масаласидан келиб чиқиб, ҳар қандай ўйинчини олишни ўйлаб кўришимиз мумкин.

Эрлинг Холанднинг трансферини амалга оширишдан аввал, “у ҳақиқатан клубга керакми ёки унинг ўрнига иккита яхши ўйинчи олган маъқулми?” деган саволга жавоб топиш керак, - деди Энрик Масип.

Эрлинг Холанд 2022 йилнинг ёзидан бери “Манчестер Сити”да ўйнаб келмоқда. Кейинги пайтда норвегиялик футболчи Испания чемпионатига ўтишга мойиллик билдиряпти. Унга “Реал” ва “Барселона” даъвогарлик қилаётган эди.