"Барселона" 20 ёшли голландиялик ҳужумчини кўз остига олиб қўйди

Каталониянинг "Барселона" клуби янги марказий ҳужумчи излаш бўйича фаол ишлар олиб бормоқда.

Sport.es нашри тарқатган хабарга кўра “кўк-анор ранглилар”нинг бу борадаги асосий трансфер нишони “Интер” форварди Лаутаро Мартинес ҳисобланади. Бироқ, аргентиналик футболчини олиб келиш уларга анча қийинчилик туғдириши мумкин.

Шу боис “Барселона” Мартинесни қўлга кирита олмаган тақдирда ПСВ ҳужумчиси Дониэлл Маленни сотиб олишга уруниб кўради.

Маълумот учун, 20 ёшли голландиялик футболчи жорий мавсум ПСВ сафида 25 та ўйинда майдонга тушди ва 17 гол ҳамда 9 та голли узатмага муаллифлик қилди. Унинг трансфер нархи эса 28 миллион еврога баҳоланмоқда.