"Барселона" 3 нафар "Байер" футболчисини кўз остига олиб қўйди

“Байер” клубининг 3 нафар футболчиси “Барселона”нинг қизиқишлар доирасига кириб қолди. Бу ҳақда Sport.es нашри хабар тарқатмоқда.

Юқоридаги нашрнинг ёзишича якшанба куни каталонияликлар спорт директори ҳамда Роберто Фернандес унинг ёрдамчиси Урбано Ортегалар “доришунослар”нинг “Вольфсбург”га (2:2) қарши баҳсида Жонатан Та, Леон Бэйли ва Юлиан Брандт каби футболчиларни кузатишган.

Таъкидлаш керакки, 21 ёшли Брандтнинг трансфер суммаси таҳминан 30 млн еврони ташкил этиши айтилмоқда. Танинг нархи эса 25 млн евро бўлиши мумкин.