"Barselona" 7 ta futbolchisini sotishi kerak
"Barselona" La Liga qoidalariga rioya qilish uchun etti nafar futbolchini qo‘yib yuborishga umid qilmoqda.
Kataloniya klubi "Espanol" darvozaboni Joan Garsiyani sotib oldi va "Atletik Bilbao" vingeri Niko Uilyams transferiga yaqin turibdi.
La Liganing moliyaviy qoidalarini, jumladan "1 ga 1" qoidasini buzmaslik uchun "Barselona" quyidagi futbolchilarning ketishiga umid qilmoqda: Mark-Andre ter Shtegen, Ansu Fati, Pau Viktor, Pablo Torre, Inyaki Penya, Andreas Kristensen va Oriol Romeu.
Shu bilan birga, Ter Shtegen klubdan ketmoqchi emas, Ansu Fati va "Monako" o‘rtasidagi muzokaralar sekin kechmoqda, qolgan futbolchilarga esa hozircha aniq takliflar yo‘q.
"Barselona" yirik transferlardan voz kechgan, biroq ehtimoliy tarzda Ronald Arauxo ham klubni tark etsa, bu moliyaviy holatni yaxshilashda yordam berishi mumkin.
Fikrlar