"Барселона" 7 та футболчисини сотиши керак

"Барселона" Ла Лига қоидаларига риоя қилиш учун етти нафар футболчини қўйиб юборишга умид қилмоқда.

Каталония клуби "Эспаньол" дарвозабони Жоан Гарсияни сотиб олди ва "Атлетик Билбао" вингери Нико Уильямс трансферига яқин турибди.

Ла Лиганинг молиявий қоидаларини, жумладан "1 га 1" қоидасини бузмаслик учун "Барселона" қуйидаги футболчиларнинг кетишига умид қилмоқда: Марк-Андре тер Штеген, Ансу Фати, Пау Виктор, Пабло Торре, Иняки Пенья, Андреас Кристенсен ва Ориол Ромеу.

Шу билан бирга, Тер Штеген клубдан кетмоқчи эмас, Ансу Фати ва "Монако" ўртасидаги музокаралар секин кечмоқда, қолган футболчиларга эса ҳозирча аниқ таклифлар йўқ.

"Барселона" йирик трансферлардан воз кечган, бироқ эҳтимолий тарзда Роналд Араухо ҳам клубни тарк этса, бу молиявий ҳолатни яхшилашда ёрдам бериши мумкин.