"Барселона" афсонаси катта футболга қайтмоқда

Бразилия терма жамоаси ва "Барселона" клуби ҳимоячиси Дани Алвес Португалия чемпионатида фаолиятини давом эттириши мумкин.

Хабарларга кўра, "Барселона", "Ювентус", ПСЖ каби гранд клубларда тўп тепган бразилиялик ҳимоячи Дани Алвес профессионал футболга қайтишга яқин турибди. Маълум бўлишича 42 ёшли фулбек Португалиянинг учинчи дивизионида иштирок этувчи "Сан-Жоау де Вер" клубида фаолиятини давом эттириши мумкин. Яқиндагина футболчи ушбу жамоанинг акциядорларидан бирига айланган эди. Дани ҳали ҳамон Бразилия терма жамоаси билан 2026 йилги Жаҳон чемпионатида иштирок этишни истамоқда. Футболчи ўтган йилнинг баҳорида номусга тегиш иши бўйича оқланган эди.

Маълумот учун, Алвес бир йилдан ортиқ вақтни панжара ортида ўтказган эди.