"Barselona" "Borussiya" hujumchisini nishonga olgan

"Barselona" qishki transferlar oynasida Yusuf Mukokoni o‘z safiga qo‘shib olmoqchi edi, ammo bunga erisha olmadi. Jurnalist Jerar Romeroning yozishicha, Kataloniya klubi shu qishda Dortmundning "Borussiya" klubi hujumchisini sotib olmoqchi bo‘lgan va bu borada La Liga faollari bilan maslahatlashgan.

Biroq, La Liga "Barca"ga 18 yoshli forvardni sotib olish imkoniyati yo‘qligi, chunki klub moliyaviy feyr-pley qoidalariga rioya qilmaganini tushuntirdi.

"Ko‘k-anorranglilar" yozda Mukokoni tekinga o‘z safiga qo‘shib olishi mumkin. Hujumchining "asalarilar" bilan amaldagi shartnomasi 2023 yilning iyunigacha mo‘ljallangan. Tomonlar haligacha kelishuvni uzaytirish borasida bir qarorga kelmadi.

Xabar qilinishicha, Yusufga "Chelsi", "Manchester Yunayted", "Liverpul" va "Tottenxem" klublari qiziqish bildirmoqda. U joriy mavsum Bundesliganing 12 o‘yinida 6 ta gol va 3 ta golli uzatmaga mualliflik qildi.