"Барселона" Фермин Лопес билан шартномани узайтиради

Инсайдер Фабрицио Романо хабар беришича, "Барселона" Фермин Лопес билан янги шартнома шартларини оғзаки келишиб олди.

Ярим ҳимоячи билан тузиладиган янги келишув 2031 йил июнь ойигача амал қилади. Ҳозирги шартнома эса 22 ёшли футболчи учун 2029 йил ёзига қадар мўлжалланган.

Август ойида Фермин клубни тарк этишдан бош тортган эди. Хабарларга кўра, испаниялик ўйинчи "Барселона"да қолиб, жамоанинг асосий футболчиларидан бирига айланишни истайди. Яқин орада у яхшиланган маош билан янги шартномага имзо чекиши кутилмоқда.

"COPE" журналисти Виктор Наварро маълум қилишича, шартнома имзоланиши аллақачон шу ҳафтадаёқ амалга ошиши мумкин.