"Барселона" футболчилар маошларини 162 миллион еврога камайтирди

"Барселона" футболчиларининг маошларини деярли 162 миллион еврога қисқартирди. Ҳозирда маошларнинг умумий миқдори эса 404 709 155 евро.

Аввалроқ “Барселона”нинг маоши 566 460 767 еврони ташкил қилган.

Бу фарқ Антуан Гризманн, Жерар Пике, Франсиско Тринкау, Хорди Альба, Нико Гонсалес, Франк Кессьи, Усмон Дембеле, Дест, Клеман Лангле, Ансу Фати каби футболчиларнинг маоши ва амортизацияси ҳисобига қарийб 213 миллион евро иқтисод қилингани билан боғлиқ. 

Мавсум оралиғида "Барса" беш ўйинчи билан шартнома имзолади - Ориол Ромеу, Илкай Гюндоган, Жоау Фелиш, Жоау Канселу ва Мартинес. Уларнинг маошлари ва амортизация тўловлари 50,562,711 еврони ташкил қилади.

Шунингдек, инвестициялар ва трансфертлар ўртасидаги фарқ 78 100 000 еврони ташкил этгани қайд этилган.