"Барселона" футболчиси ҳеч кимга керак эмасми?

"Шальке" клуби "Барселона"дан ижарага олинган ҳимоячи Жан-Клер Тодибонинг трансферини сотиб олмайди. Бу ҳақда гельзенкирхенликлар спорт директори Йохен Шнайдер WAZ нашрига берган интервьюсида айтиб ўтди.

Айтиш керакки, Бундеслига клубида 20 ёшли футболчини 25 млн евро эвазига тўлиқ сотиб олиш ҳуқуқи мавжуд эди, аммо улар бу имкониятдан фойдаланишмади. Каталонияликлар эса янги футболчилар сотиб олишга пул жамғариш учун Тодибони трансферга қўймоқчи.

Тодибо мавсумнинг иккинчи ярмини “Шальке”да ижарада ўтказди ва 10 та ўйинда майдонга тушди.