"Барселона" Гризманни сотиб олиш фикридан қайтди

"Барселона" клуби раҳбарияти жамоага "Атлетико" форварди Антуан Гризманни олиб келиш фикридан қайтди. Бу ҳақда Marca нашри хабар бермоқда.

Эслатиб ўтиш лозимки, бундан аввалроқ каталонияликлар ёзги трансферлар даврида франциялик футболчини сотиб олишга яна бир бор уруниб кўришни режалаштираётгани ҳақида хабарлар тарқалган эди. Аммо, энди уларнинг режаси ўзгарди. “Барселона”нинг мавсумлар оралиғидаги асосий трансфер нишони эса “Айнтрахт” форварди Лука Йович ҳисобланади.

Таъкидлаш лозимки “Барселона” спорт директори Эрик Абидаль кеча Евро-2020 саралаши доирасида бўлиб ўтган Португалия ва Сербия терма жамоалари ўртасидаги баҳсда Йовични кузатиш учун шахсан стадионга ташриф буюрди.