"Барселона" ҳимоячиси қанча муддатга сафдан чиққани маълум бўлди

Чоршанба куни "Барселона" ҳимоячи Алехандро Бальденинг тизза ости пайидан жароҳат олиб, шифохонага ётқизилгани ҳақида хабар берди. AS журналистларига маълум бўлишича, Бальденинг тикланиши учун тахминан уч-тўрт ҳафта керак бўлади.

Шу тариқа, "Барселона"нинг навбатдаги ўйинларида Ханс-Дитер Флик 21 ёшли ҳимоячидан фойдалана олмайди.

"Барселона" уч турдан сўнг Испания Ла Лигаси турнир жадвалида тўртинчи ўринда бормоқда. Флик жамоаси иккита ўйинда ғалаба қозониб,  3-турда дуранг натижа қайд этишди. Чемпионатнинг навбатдаги ўйини "кўк-анорранглилар" 14 сентябрь куни ўз майдонида "Валенсия"га қарши баҳс олиб боради.