"Барселона" кўзлаётган футболчини Абрамович "Челси"га олиб бериши мумкин
Лондоннинг "Челси" клуби "Порту" ярим ҳимоячиси Алекс Теллес учун курашда етакчилик қилмоқда.
Record нашри тарқатган хабарга қараганда, “аристократлар” хўжайини Роман Абрамович ва бразилиялик футболчининг агенти Пини Захави ўзаро жуда яхши муносабатларга эга. Шу боис бу курашда лондонликларнинг имконияти юқори баҳоланмоқда.
Қайд этиш лозимки, 27 ёшли Теллесга “Барселона”дан ҳам жиддий қизиқиш бор.
Алекс Теллес жорий мавсум “Порту” сафида 40 та ўйинда майдонга тушди ва 10 та гол ҳамда 9 та голли узатмага муаллифлик қилди.
Фикрлар