"Барселона" Левандовски ўрнига "Арсенал" футболчисини кўриб чиқмоқда

“Барселона” ҳужумчи Роберт Левандовскининг ўрнини босадиган футболчи излашни бошлади.

Полшалик форвард яқинда жамоани тарк этишини маълум қилди ва якшанба куни “Камп Ноу”даги сўнгги ўйинидан кейин мухлислар билан хайрлашди.

"Transfer News Live" нашрининг "El Nacional"га таяниб хабар беришича, каталонияликлар “Арсенал” ҳужумчиси Габриэл Жезус вариантини кўриб чиқмоқда.

“Тўпчилар” бразилиялик футболчини 45 миллион евро эвазига қўйиб юборишга тайёр. Шу билан бирга, Transfermarkt портали 29 ёшли ҳужумчининг бозор қийматини 20 миллион евро деб баҳоламоқда.

Жезуснинг “Арсенал” билан амалдаги шартномаси келаси йил ўрталаригача мўлжалланган.