"Барселона" "Ливерпуль" футболчисини қўлга киритмоқчи

"Барселона" "Ливерпуль" ярим ҳимоячиси Наби Кейтага қизиқиш билдирмоқда, деб хабар берди "Sport.es" нашри.

Каталония клуби 27 ёшли гвинеялик футболчини келаси ёзда текинга қўлга киритишга умид қилмоқда. 2022/23 йилги мавсумда Кейта "Ливерпуль"нинг битта ўйинида қатнашди - Англия Суперкубоги доирасидаги "Манчестер Сити"га баҳсда (3:1) 5 дақиқа ҳаракат қилди.

Футболчининг мерсисайдликлар билан шартномаси 2023 йилнинг июнь ойи охиригача амал қилади. "Transfermarkt" портали футболчини 25 миллион еврога баҳоламоқда.