"Barselona" Messi gol urgan bahsda qiyinchilik bilan g‘alabaga erishdi!

Ispaniya La Ligasi 21-turidan o‘rin olgan "Real Betis" - "Barselona" bahsi o‘z nihoyasiga etdi. O‘ta qizg‘in kechgan o‘yin kataloniyaliklarning 2:3 hisobidagi g‘alabasi bilan yakunlandi.

Gollarga "Betis" safida Borxa Iglesias hamda Vitor Ruis Torre mualliflik qildi. "Barselona"ning gollariga esa Leo Messi (maydonga tushishi bilanoq!), Fransisko Trinkao hamda Vitor Ruis Torre (avtogol) mualliflik qilishdi.

Shu tariqa, navbatdagi g‘alabasini qo‘lga kiritgan "Barselona" ochkolari sonini 43 taga etkazib olgan holda 2-o‘rinini saqlab qoldi. Eslatib o‘tamiz, 1-pog‘onadagi "Atletiko"da ochkolar soni 50 ta bo‘lib, 2 ta o‘yin kam o‘tkazilgan.