"Барселона" Месси шарафига махсус ўйин ўтказади

«Барселона» ўзининг афсонавий собиқ сардори Лионел Месси шарафига алоҳида тадбир ўтказишни режалаштирмоқда.

Клуб президенти Жоан Лапорта маълум қилишича, байрам тантаналари стадион реконструкцияси якунлангач, янгиланган «Камп Ноу» майдонида бўлиб ўтади. Унинг сўзларига кўра, Месси иштирокида махсус ўйин ташкил этилиши эҳтимоли жуда катта.

«Биз Лео Мессига бағишланган катта тадбирни «Камп Ноу» реконструкцияси тугагач ўтказишни режалаштирганмиз, – дея Лапортанинг сўзларини келтиради «сине-гранатовые» матбуот хизмати. – Бу ҳақиқий байрамга айланадиган, жуда ҳам чиройли маросим бўлади. Умид қиламизки, стадиондаги барча қурилиш ва таъмирлаш ишларини 2028 йил бошига қадар якунлаймиз».

Лионел Месси 2004 йилдан 2021 йилгача «Барселона»нинг асосий жамоасида тўп сурган. У клуб сафида 778 та ўйинда майдонга тушиб, 672 та гол урган ва бу кўрсаткич «Барса» тарихида мутлақ рекорд сифатида қайд этилган.

Маълумотларга кўра, қимматбаҳо реконструкциядан сўнг янгиланган «Камп Ноу» 105 минг нафар томошабинни сиғдира олади.