“Барселона” муҳим ўйинчини қолишга кўндиряпти

“Барселона” раҳбарияти клубнинг энг иқтидорли ўйинчиларидан бири Педрини жамоада олиб қолишга кўндирмоқда. 

Педрига Европанинг етакчи клублари кўз тика бошлади. Каталонияликлар унинг агенти Эктор Перис билан музокара ўтказди. Суҳбат ижобий ўтгани хабар қилинмоқда. 

Спорт директори Деку клуб 21 ёшли ярим ҳимоячи билан янги шартнома тузилишини маълум қилган. Бироқ молиявий ҳолат туфайли “Барселона” ҳозир Педрига аниқ таклиф бера олмайди. Бу ҳақда Mundo Deportivo маълумот берди.

Педри “Лас-Пальмас” клуби тарбияланувчиси ҳисобланади. “Барселона”га 2019 йили 23 миллион еврога трансфер қилинган. Бугунги кунда марказий ярим ҳимоячи 80 миллион еврога баҳоланмоқда.