"Барселона" мухлислари учун нохуш хабар

"Барселона" жорий мавсумда "Камп Ноу"га қайта олмаслиги мумкин. Бу ҳақда, "Marca" нашри хабар берди.

Манба маълумотларига кўра, Каталония клуби Барселона шаҳар кенгашига "Олимпик Льюис Компанис" стадионининг ижарасини мавсум охиригача узайтиришни сўраб мурожаат қилди. "Камп Ноу"ни қайта таъмирлаш ишлари белгиланган муддатга нисбатан секин давом этмоқда. 

"Барселона" "Олимпик Льюис Компанис"дан фойдаланиш муддатини 20 майгача узайтиришни сўраш ниятида.

Маълумот учун, мазкур стадионни қайта таъмирлаш ишлари 2023 йилнинг 1 июнь санасида бошланган.