“Барселона”: Нозиккина Дембеле ўрнини баҳайбат футболчи эгаллайди

Жароҳатларга мойиллиги билан ажралиб турадиган Усмон Дембеле барибир Каталонияни тарк этадиган бўлди. “Барселона” унинг ўрнига ўз тарбияланувчиси Адама Траорени таклиф қилишни мўлжаллаяпти.

Испания терма жамоаси вакили бўлган Траоре аслида “Барселона” тарбияланувчиси ҳисобланади. Унга вақтида етарли даражада эътибор берилмаган. Жисмонан бақувват футболчи “Вулверхэмптон”даги ўйинлари билан мухлису мутахассислар эътиборини қозонди.

Траоре Каталониядан узоқда бўлса-да, “Барселона”нинг бир неча ўйинчилари, жумладан Жорди Альба, Сержи Бускетс, Сержи Роберто ва Ферраном Торрес билан илиқ муносабатларни сақлаб келади.

Адама Траорега Англия премьер-лигасининг ўзидан ҳам бир неча клублар харидор бўлмоқда.