"Барселона" Олимпиада юлдузи билан шартномани узайтирмоқчи

"Барселона" 2024 йилги Олимпиада ўйинларидаги футбол турнирида ажойиб ўйин кўрсатган 21 ёшли ярим ҳимоячи Фермин Лопес билан шартномани узайтиришни режалаштирмоқда. Бу ҳақда "Sport.Es" хабар бермоқда.

Манба берган хабарга кўра, Каталония клуби Лопеснинг Олимпиада ўйинларидаги ҳаракатларидан сўнг, унга бошқа клублардан қизиқиш кучайишидан хабардор. Таъкидланишича, "Барселона"нинг янги бош мураббийи Ханс-Дитер Флик ҳам Лопеснинг Олимпиададаги ўйин даражасини юқори баҳолаган.

Маълумот учун, ярим ҳимоячи Испания Олимпия терма жамоаси сафида "Париж-2024" футбол турнирида 6 та гол ва 2 та голли узатмага муаллифлик қилди.