“Барселона” президенти Месси қачонгача жамоада қолишини айтди

Каталония клуби раҳбари Хосеп Бартомеу жамоасининг 33 ёшли етакчиси Лионель Мессининг келажаги ҳақида гапирди.

- Биз доим Месси ҳақида гапирганмиз ва гапирамиз ҳам. Биз у билан музокараларни қайта тиклаймиз. У фаолиятини шу ерда якунланишини билдирган. Унинг ўйини, ўз усулини ўйинга мослай олиш қобилияти одамни ҳайратга солади. У ҳар йили қандайдир янгиликни кўрсата олади. Йилдан йилга кўп гол уряпти ва голли пасларининг сони ҳам ортиб бормоқда. Мен Мессининг 2025 йилда ҳам “Барса”да тўп сураётганини тасаввур қиляпман, - деди Бартомеу.

Мессининг амалдаги шартномаси келаси йил ёзда якунланади. Яқинда Лионель айнан Бартомеунинг бошқарув тизими ёқмаганлиги сабабли янги шартнома бўйича музокараларни тўхтатган эди.