“Barselona” sardor tanladi (foto)

“Barselona” yangi mavsum oldidan sardorlik vazifasini bajaradigan futbolchilarni tanlab oldi. Bu gal ham odatiy etakchilar o‘z ishini davom ettiradigan bo‘ldi.

Asosiy sardor vazifasini klubda qolishga qaror qilgan Lionel Messi bajaradi. Shuningdek, mavsum davomida vaziyat taqozo qilsa, uning vakolati Serji Buksets, Jerar Pike va Serji Robertoga yuklanishi mumkin.

“Barselona” yangi mavsumning dastlabki uchrashuvini 14 sentyabr kuni “Kamp Nou”da “Elche” jamoasiga qarshi o‘tkazadi.